Արսեն Խանջյանը հաղթելով բոլոր մրցակիցներին հասավ եզրափակիչ

Հայաստանի սամբոյի ֆեդերացիան հայտնում է. «Հայ մարզիկների հաջողությունները Եվրոպայի առաջնություններում շարունակում են սամբիստները
Իսրայելի Հայֆա քաղաքում մեկնարկած Սամբոյի Եվրոպայի առաջնության մեկնարկային օրը հայ սամբիստները լավ սկսեցին մրցելույթները և նվաճեցին առաջին մեդալները:
Մարզական սամբոյի 64 կգ և 79 կգ քաշային կարգերում բրոնզե մեդալների արժանացան, համապատասխանաբար՝ Նարեկ Դալլաքյանը և Բորիս Շատվերյանը:
Իսկ 98 կգ քաշային կարգում Արսեն Խանջյանը հաղթելով բոլոր մրցակիցներին, հասավ եզրափակիչ, ուր կհանդիպի Վրաստանի ներկայացուցիչ Դավիդի Լոռիաշվիլու հետ:
Մաղթում ենք հաղթանակ»: