«Պետք է պատրաստ լինել Ադրբեջանի կողմից քարոզչական-տեղեկատվական նոր ալիքի». Դավիթ Թորոսյան

«Հանուն Հայ զինվորի» ՀԿ ղեկավար Դավիթ Թորոսյանը ֆեյսբուքյան իր էջում գրել է. «Վերջին օրերին Ադրբեջանը մի քանի անգամ պաշտոնական հաղորդագրություններ է տարածում՝ ակնհայտ կեղծելով իրականությունը և մանիպուլյացնելով թեման։ Այդ համատեքստում շահարկման և «ռասկռուտկի» ենթարկվեցին անգամ իրենց 2 զոհն ու 1 վիրավորը։ Սովորաբար, նման ինֆորմացիոն օպերացիաները թշնամին կիրառում է ամենատարբեր տեսակի, ծավալի ու ոճի սադրանքները «լեգիտիմանցնելու» նպատակով։ Հասկանալի պատճառներով՝ Ծանրամարտի Եվրոպայի առաջնությամբ պայմանավորված, միջազգային մամուլի որոշակի ուշադրություն այս պահին կա Հայաստանի վրա, իսկ ավարտին շատ չի մնացել, իսկ թշնամին 2-3 օր է, իրականացնում է ակտիվ քարոզչություն և «դեմոնիզացիա», ուստի պետք է պատրաստ լինել քարոզչական-տեղեկատվական նոր ալիքի։ Այս ամենը չի նշանակում, թե պարտադիր լինելու են սադրանքներ, բայց այն, որ այս ձեռագիրը պարբերական բնույթ է կրում և մեկ անգամ արդեն Եվրատեսիլ երգի մրցույթի ֆակտորը նույն տրամաբանությամբ կիրառվել է, պետք է ինֆորմացիոն դաշտում ավելի ուշադիր, զգոն և էֆեկտիվ լինենք»։