Ադրբեջանի ԱԳՆ-ն «կողմնակալ» է որակել ֆրանսիական կողմի մոտեցումը

1163

Ուրբաթ, 28 ապրիլի, 2023 թ., 19:42

Ֆրանսիայի Եվրոպայի և արտաքին գործերի նախարար Քեթրին Կոլոնայի և Հայաստանի արտգործնախարար Արարատ Միրզոյանի համատեղ ասուլիսում ֆրանսիացի նախարարի հնչեցրած պնդումներն անընդունելի են, ասվում է Ադրբեջանի ԱԳՆ հաղորդագրության մեջ։

«Ցավոք, ֆրանսիական կողմը, որն իրեն ներկայացնում է որպես հակամարտության կարգավորման «ձգտող» կողմ, 30 տարվա ընթացքում երբեք չի դատապարտել Հայաստանին իր քաղաքականության համար։

Կողմնակալ մոտեցումներ ցուցաբերելու փոխարեն ֆրանսիական կողմի համար ավելի օգտակար կլինի դրդել Հայաստանին կատարել պայմանավորվածություններից բխող պարտավորությունները և զերծ մնալ Ադրբեջանի դեմ սադրանքներից»,- նշված է Ադրբեջանի ԱԳՆ հաղորդագրության մեջ։