Ինչն է ընկած ՀՖՖ նախագահի և «Փյունիկի» սեփականատիրոջ դատական պատերազմի հիմքում․ «Իրավունք»

405

Չորեքշաբթի, 17 մայիսի, 2023 թ., 09:18

«Իրավունք» թերթը գրում է. «Ի վերջո, ի՞նչն է ընկած ՀՖՖ նախագահ Արմեն Մելիքբեկյանի և «Փյունիկի» սեփականատեր Արթուր Սողոմոնյանի դատական պատերազմի հիմքում: Հարցին ՀՖՖ նախագահը հրաժարվել էր պատասխանել: Սակայն այդ մասին «Դատալեքս» տեղեկատվական կայքում կան մանրամասներ:

Ըստ այդմ, հայցի պատճառ է հանդիսացել այն, որ հարցազրույցներից մեկում, քննադատելով 2019թ.-ին ստեղծված ԲԿՄԱ (Բանակի կենտրոնական մարզական ակումբ) թիմի ձևավորման մոտեցումները, «Փյունիկի» սեփականատերը նշել է, որ կան ֆուտբոլիստներ, որոնք չեն համապատասխանում նույնիսկ այդ թիմի մակարդակին, բայց քանի որ ունեն անձնական կապեր, հայտնվում են այնտեղ: Վերը նշվածը ՀՖՖ նախագահը համարել է զրպարտություն իր անձի հասցեին և դիմել դատական պաշտպանության»:

Մանրամասները՝ թերթի այսօրվա համարում։