Անհետացած բատիսկաֆի անձնակազմի բոլոր 5 անդամները մահացել են

ԱՄՆ առափնյա պահպանությունը հաստատել է անհետացած «Տիտան» բատիսկաֆի անձնակազմի մահը: Այն նաև հաստատել է, որ ավելի վաղ հայտնաբերված բեկորները պատկանում են անհետացած բատիսկաֆին։

Բատիսկաֆի օպերատոր ընկերությունը ցավակցություն է հայտնել զոհերին, հայտնում է CNN-ը. «Մենք սգում ենք այն կյանքի և ուրախության կորուստը, որը նրանք պարգևում էին բոլորին, ում ճանաչում էին... Այս մարդիկ իսկական հետազոտողներ էին, որոնց միավորում էր արկածախնդրության հատուկ ոգին և օվկիանոսների հետազոտման և պաշտպանության խորը կիրքը»: