Ուկրաինայի հատուկ ծառայությունները խոստովանել են իրենց մասնակցությունը Ղրիմի կամրջի վրա հարձակմանը

Ուկրաինայի անվտանգության ծառայության ղեկավար Վասիլի Մալյուկը հայտարարել է, որ 2022 թվականի հոկտեմբերին Ղրիմի կամրջի վրա տեղի ունեցած պայթյունը ՈՒԱԾ-ի «իրագործումներից մեկն էր», փոխանցում է РБК-Украина-ն։
«Շատ տարբեր հատուկ գործողություններ: Դրանցից մի քանիսի մասին մենք կկարողանանք խոսել հաղթանակից հետո, մի քանիսի մասին ընդհանրապես չենք խոսի... Մեր իրակագործումներից մեկն էլ անցյալ տարվա հոկտեմբերի 8-ին Ղրիմի կամրջի ավերումն էր»,- ասել է Մալյուկը:

Կրասնոդարի երկրամասը և Ղրիմը կապող Ղրիմի կամրջի վրա պայթյունը տեղի է ունեցել 2022 թվականի հոկտեմբերի 8-ի առավոտյան։ Կամրջի վրա բեռնատար է պայթել, որից հետո կամրջի երկաթուղային հատվածում վառելանյութի բաքեր են բռնկվել։ Փլուզվել էր նաև ավտոմեքենայի երկու երթուղի: Պաշտոնական տվյալներով՝ 4 մարդ էր մահացել։