Եվրոպական Երիտասարդական օլիմպիական փառատոն. Համլետ Մանուկյանը ոսկե մեդալ նվաճեց

Հայաստանի սպորտային մարմնամարզության երիտասարդական հավաքականի անդամ Համլետ Մանուկյանը ևս ոսկե մեդալ է նվաճել Սլովենիայի Մարիբոր քաղաքում ընթացող Եվրոպայի պատանեկան օլիմպիական փառատոնում: Նա վաստակել է 13,666 միավոր:

Այս վարժությունում Հայաստանի մյուս ներկայացուցիչ Մամիկոն Խաչատրյանը՝ 12,800 միավորով, զբաղեցրել է 8-րդ հորիզոնականը:

Մամիկոն Խաչատրյանն ավելի վաղ ոսկե մեդալ էր նվաճել նժույգ թափեր վարժությունում: Համլետ Մանուկյանն այդ վարժությունում գրավել էր 4-րդ տեղը:

Մարմնամարզիկներից առաջին մեդալը նվաճել էր Ռոբերտ Գյուլումյանը՝ հաղթելով ազատ վարժություններում: