ԵԱ․ Վաղարշակ Քեյանն ու Տիգրան Հովսեփյանը՝ ոսկե մեդալակիրներ

Ռումինիայում անցկացվող բռնցքամարտի Եվրոպայի ավագ տարիքի պատանիների առաջնության եզրափակիչներում Հայաստանի 9 ներկայացուցիչներից ռինգ դուրս եկան 48 կգ քաշային կարգում Եվրոպայի գործող չեմպիոն Վաղարշակ Քեյանը (տեսանյութ) և 50 կգ քաշային Տիգրան Հովսեփյանը (տեսանյութ)։

Երկուսն էլ հաղթանակ տարան և նվաճեցին ոսկե մեդալ։ Քեյանի մրցակիցն իտալացի Անտոնի Մոետին էր, Հովսեփյանինը՝ լեհ Օսկար Գրոձիցկին։

Եզրափակիչներում հանդես կգան նաև 52 կգ քաշային Արեն Խառատյանը, 57 կգ քաշային Սպարտակ Նահապետյանը 60 կգ քաշային Անդրանիկ Մարտիրոսյանը, 63 կգ քաշային Ալիկ Կճոյանը, 66 կգ քաշային Արգիշտի Հակոբյանը, 75 կգ քաշային Ալբերտ Հարությունյանը, 80 կգ քաշային Հայկ Ղահրամանյանը։