Տիգրան Բարսեղյանը վնասվածքի պատճառով չի մասնակցի Թուրքիայի և Խորվաթիայի դեմ խաղերին

Բրատիսլավայի «Սլովանի» հարձակվող Տիգրան Բարսեղյանը վնասվածքի պատճառով չի մասնակցի Թուրքիայի և Խորվաթիայի հավաքականների դեմ Եվրո-2024-ի որակավորման փուլի առաջիկա խաղերին, հաղորդում է Հայաստանի ֆուտբոլի ֆեդերացիան:
«Բարսեղյանը հավաքական էր ժամանել վնասվածքով: Մեր կիսապաշտպանը «Սլովանի» կազմում վերջին հանդիպումներին ևս մասնակցել էր վնասվածքով: Ազգային հավաքականի բուժանձնակազմի կողմից մանրակրկիտ զննման արդյունքում, պարզ է դարձել, որ Տիգրան Բարսեղյանը վնասվածքի պատճառով չի կարողանա մասնակցել Թուրքիայի և Խորվաթիայի դեմ խաղերին»,- ասված է ՀՖՖ հայտարարության մեջ:
Տիգրան Բարսեղյանն արդեն լքել է հավաքականի ճամբարը:
Հիշեցնենք, որ սեպտեմբերի 8-ին Ալեքսանդր Պետրակովի թիմը մրցակցի հարկի տակ կմրցի Թուրքիայի հավաքականի հետ։
Եվրո-2024-ի ընտրական փուլի D խումբը 4 խաղից հետո գլխավորում է Թուրքիայի հավաքականը, որն ունի 9 միավոր։ Հայաստանի հավաքականը 3 խաղից հետո 6 միավորով երկրորդն է։