Գոռ Սահակյանն՝ աշխարհի առաջնության բրոնզե մեդալակիր

Սաուդյան Արաբիայի մայրաքաղաք Էր Ռիյադում անցկացվող ծանրամարտի աշխարհի առաջնությունում Եվրոպայի չեմպիոն, 20-ամյա Գոռ Սահակյանը նվաճեց երկամարտի բրոնզե մեդալը 67 կգ քաշային կարգում՝ հավաքելով 312 կգ։
Չեմպիոնի տիտղոսը նվաճեց Տոկիոյի Օլիմպիական խաղերի չեմպիոն, աշխարհի արդեն հնգակի չեմպիոն, Ասիայի կրկնակի չեմպիոն, չինացի Չեն Լիժուն է: Նա երկամարտում հավաքեց 333 կգ (153+180):