Հինգշաբթի, 26 մարտի, 2026 թ.
|
Ստեփանակերտում`   +11 °C

Զելենսկին խոստովանել է, որ սկսել է կասկածել արևմտյան մի շարք գործընկերների անկեղծությանը

Զելենսկին խոստովանել է, որ սկսել է կասկածել արևմտյան մի շարք գործընկերների անկեղծությանը
1978
Երկուշաբթի, 11 սեպտեմբերի, 2023 թ., 01:00

Ուկրաինայի նախագահ Վլադիմիր Զելենսկին բրիտանական Economist ամսագրին տված հարցազրույցում ասել է, որ սկսել է կասկածել Կիևի մի շարք արևմտյան գործընկերների անկեղծությանը, որոնք պնդում են, որ իրենք միշտ աջակցելու են ուկրաինական պետությանը։

«Ես ունեմ այդ ինտուիցիան, ես կարդում եմ, լսում և տեսնում եմ նրանց աչքերը... «Մենք միշտ ձեզ հետ ենք լինելու»: Բայց տեսնում եմ, որ ինքն այստեղ չէ, մեզ հետ չէ»,- ասել է Ուկրաինայի ղեկավարը:

Նրա խոսքով՝ եթե գործընկերները չօգնեն (Ուկրաինային), ապա նրանք կօգնեն Ռուսաստանին՝ հաղթել։

Զելենսկին նաև ասել է, որ հոգեպես պատրաստ է Ռուսաստանի Դաշնության հետ երկարատև առճակատման։

«Ես պետք է պատրաստ լինեմ, իմ թիմը պետք է պատրաստ լինի երկար պատերազմի, իսկ էմոցիոնալ առումով ես պատրաստ եմ»,- ասել է նա:

Միևնույն ժամանակ, ինչպես նշել է քաղաքական գործիչը, դեռ վաղ է Ուկրաինայի քաղաքացիներին ներկայացնել երկրի տնտեսության ամբողջական ռազմականացման հեռանկարը։

Կարդացե՛ք նաև