Երկուշաբթի, 14 սեպտեմբերի, 2026 թ.
|
Ստեփանակերտում`   +28 °C

«Չեմ կարող հաստատել, որ մենք տեղեկացվել ենք»․ Պեսկով

«Չեմ կարող հաստատել, որ մենք տեղեկացվել ենք»․ Պեսկով
2007
Երեքշաբթի, 19 սեպտեմբերի, 2023 թ., 22:12

Ադրբեջանի իշխանությունները Մոսկվային չեն զգուշացրել Լեռնային Ղարաբաղում հակաահաբեկչական գործողություն սկսելու ծրագրերի մասին, ինչպես ավելի վաղ հայտնել էին որոշ լրատվամիջոցներ։ Այս մասին երեքշաբթի՝ սեպտեմբերի 19-ին, ճեպազրույցում ասել է ՌԴ նախագահի մամուլի քարտուղար Դմիտրի Պեսկովը։
«Չեմ կարող հաստատել, որ մեզ նախապես ծանուցել են»,- ասել է նա։

Նա նաև կոչ է արել Բաքվին և Երևանին՝ հետևել Լեռնային Ղարաբաղի վերաբերյալ եռակողմ պայմանավորվածություններին։

«Դրա համար միակ առարկայական հիմքը երկու և երեք տարի առաջվա եռակողմ փաստաթղթերն են, որոնք ստորագրվել են Ռուսաստանի, Հայաստանի և Ադրբեջանի միջև։ Հետևաբար, մենք բոլորին խրախուսում ենք հետևել այս փաստաթղթերի դրույթներին: Բնականաբար, հաշվի առնելով նոր իրողությունները»,- ասել է Պեսկովը՝ պարզաբանելով, որ խոսքը վերաբերում է նրան, որ Երևանը ճանաչել է Ադրբեջանի տարածքը 1991թ-ի դրությամբ: Կրեմլի պաշտոնյան նաև հավելել է, որ տարածաշրջանում սրման ֆոնին ռուս զինվորականներն աշխատում են «կարգավորման գործընթացը քաղաքական և դիվանագիտական ​​ալիքի վերածելու ուղղությամբ»։ Նրա խոսքով, Լեռնային Ղարաբաղում ռուս խաղաղապահների կյանքին սպառնացող վտանգի մասին դեռ տեղեկություն չկա, նրանք աշխատում են կողմերի հետ սերտ կապի մեջ։