ԱՄՆ-ն Իրաքից տարհանում է իր դիվանագետներին 

Իրաքում ԱՄՆ դեսպանատան և գլխավոր հյուպատոսության աշխատակիցները, որոնք կապված չեն դիվանագիտական ​​առաքելության կարևոր գործառույթների հետ, կարող են լքել երկիրը։ Այս մասին ասված է Պետդեպարտամենտի հայտարարության մեջ։

Գործակալությունը նաև խորհուրդ է տվել ամերիկացիներին՝ չայցելել Իրաք։
«Գերատեսչությունը կարգադրել է լքել Բաղդադում ԱՄՆ դեսպանատունն ու Էրբիլում գլխավոր հյուպատոսությունը՝ անձնակազմի անվտանգությանը և ԱՄՆ շահերին սպառնացող սպառնալիքների պատճառով»,- ասվում է հայտարարության մեջ:

Անվտանգության նկատառումներից ելնելով՝ ԱՄՆ-ի կառավարության աշխատակիցներին խորհուրդ է տրվել չօգտվել Բաղդադի միջազգային օդանավակայանից։

Պետդեպարտամենտի հայտարարության մեջ որոշումը բացատրվել է նրանով, որ «հակաամերիկյան կիսառազմական խմբավորումները սպառնում են ԱՄՆ քաղաքացիներին և միջազգային ընկերություններին ողջ Իրաքում»։

Վերջին օրերին Իրաքում ամերիկյան բազաները պարբերաբար կրակի տակ են հայտնվել։