Լեհաստանում ուսումնամարզական հավաքի կհրավիրվի մինչև 200 հազար պահեստազորային

2024 թվականին Լեհաստանում զինվորական պատրաստության կհրավիրվեն մինչև 200 հազար պահեստազորայիններ։ Այս մասին երեքշաբթի՝ հոկտեմբերի 31-ին, հայտնել է Rzeczpospolita տեղական լրատվականը։

Ըստ լրատվամիջոցների, պահեստազորի զորավարժությունները կարող են լինել մեկօրյա, կարճատև (մինչև 30 օր տևողությամբ) կամ երկարաժամկետ (մինչև 90 օր): Ենթադրվում է, որ զորավարժություններին կարող են հրավիրվել ոչ միայն ռազմական մասնագիտություններ ունեցողներ, այլ նաև այլ մասնագիտությունների ներկայացուցիչներ, օրինակ՝ անասնաբույժներ և վարորդներ։
Մինչև նոյեմբերի սկիզբ լեհական բանակը Ռուսաստանի և Բելառուսի հետ սահմանի մոտ «ZUBR-23» զորավարժություններ է անցկացնում։ Այս զորավարժություններն ուղղված են Լեհաստանի արևելյան սահմանի անվտանգության մակարդակի բարձրացմանը, ընդգծել է Լեհաստանի զինված ուժերի գլխավոր հրամանատարությունը։

Դրան նախորդել էր Լեհաստանի պաշտպանության նախարար Մարիուշ Բլաշչակի հայտարարությունն այն մասին, որ լեհական բանակի քանակը կարող է գերազանցել Վարշավայի կողմից ավելի վաղ հայտարարված 300-ը։