Հայտնի է` քանի լրագրող է զոհվել ռուս-ուկրաինական պատերազմի ընթացքում

Ռուս-ուկրաինական պատերազմի սկզբից ի վեր՝ 2014-2023թթ․, զոհվել է 75 լրագրող։ Այս մասին տեղեկացնում է Զանգվածային տեղեկատվության ինստիտուտը։
«2014 թվականից Ուկրաինայի դեմ Ռուսաստանի պատերազմն ուղեկցվում է լրագրողների դեմ հանցագործություններով և անկախ լրագրության ոչնչացմամբ։ Սպանությունները, առևանգումները, սպառնալիքները, ձերբակալությունները լրատվամիջոցների դեմ օկուպանտների հանցագործությունների միայն փոքր ցուցակն են»,- ասել է ինստիտուտի՝ խոսքի ազատության մոնիթորինգի բաժնի ղեկավար Եկատերինա Դյաչուկը:
Նա հայտնել է, որ 2014-2022 թվականներին Ուկրաինայի տարածքում սպանվել է 7 լրագրող։ Նրանցից 3-ը զոհվել է լրագրողական առաջադրանքի կատարման ժամանակ (Սերգեյ Նիկոլաև, Անդրեա Ռոկելի և նրա թարգմանիչ Անդրեյ Միրոնով), 4-ը՝ որպես մարտական գործողությունների մասնակից (Վիկտոր Գուրնյակ, Ալեքսանդր Չեռնիկով, Դմիտրի Լաբուտկին և Օլեգ Զադոյանչուկ)։ Նրանք բոլորը զոհվել են Դոնեցկի և Լուգանսկի շրջաններում։