Մինսկում ՀԱՊԿ երկրների ստորագրած փաստաթղթերը կփոխանցվեն նաև Հայաստանին

1302

Հինգշաբթի, 23 նոյեմբերի, 2023 թ., 21:30

Մինսկում կայացած գագաթնաժողովի շրջանակներում Հավաքական անվտանգության պայմանագրի կազմակերպության երկրների ղեկավարներն ստորագրել են 15 փաստաթուղթ, հայտարարել է Բելառուսի արտգործնախարար Ալեքսանդր Ալեյնիկը։
Փաստաթղթերն, ի թիվս այլ բաների, վերաբերում էին ՀԱՊԿ միացյալ շտաբի կառուցվածքին, կազմակերպության բյուջեին, նախագահությանը, ՀԱՊԿ ճգնաժամային արձագանքման համակարգի զարգացման միջոցառումներին և այլն։

Հայաստանի վարչապետ Նիկոլ Փաշինյանը գագաթնաժողովին չի մասնակցել, սակայն ՀԱՊԿ գլխավոր քարտուղար Իմանգալի Թասմագամբետովը ստորագրված փաստաթղթերը կփոխանցի հայկական կողմին, երբ ինքն այցելի Երևան։