«Ես վերադարձա ֆուտբոլ». Լևոն Պաչաջյան

Հայաստանի ազգային հավաքականի նախկին կիսապաշտպան Լևոն Պաչաջյանը ֆեյսբուքյան իր էջում գրել է. «Ուզում էի տեղեկացնել, որ վերջին երկու ամիսներն ինձ համար շատ կարևոր էին և շրջադարձային: Ինչ որ չափով պատահական ստացվեց, բայց երևի այս ամենը տրամաբանական էր: Ես վերադարձա ֆուտբոլ…
Այսուհետ զբաղվելու եմ մարզչական աշխատանքով և ֆուտբոլային ակադեմիայի ֆունկցիոների պարտավորություններ եմ ստանձնել: Արդեն ունեմ պայմանավորվածություն տեղի ակադեմիայի հետ և շուտով կլինի պաշտոնական հայտարարություն: Ինձ համար սա նոր սկիզբ է և ամեն ինչ անելու եմ, որ իմ համար հարազատ սպորտաձևում հաջողություններ գրանցեմ և օգտակար լինեմ այնտեղ, որտեղ աշխատում եմ»: