«Մասյանյա»-ի հեղինակ Կուվաևի նկատմամբ  Ռուսաստանում հետախուզում է հայտարարվել

Ռուսաստանում հետախուզվում է «Մասյանյա» անիմացիոն սերիալի ստեղծող Օլեգ Կուվաևը։ «Вестк» հրատարակությունը երեքշաբթի՝ դեկտեմբերի 26-ին, ուշադրություն է հրավիրել Ռուսաստանի Դաշնության ՆԳՆ տվյալների բազայում տեղ գտած համապատասխան տեղեկատվության վրա։

Հոկտեմբերին Կուվաևի դեմ քրեական գործ է հարուցվել՝ պետության դեմ ուղղված գործունեության հրապարակային կոչերի մեղադրանքով։ Սանկտ Պետերբուրգի լրատվամիջոցների փոխանցմամբ՝ առիթը եղել է «Մասյանյա» սերիալի դրվագը, որտեղ գլխավոր հերոսը ռուս զինվորներին բացատրում է, թե ինչպես պետք է հանձնվել «Ես ուզում եմ ապրել» ուկրաինական նախագծի միջոցով։

Դեկտեմբերի 22-ին Ռուսաստանի Դաշնության արդարադատության նախարարությունը Օլեգ Կուվաևին ավելացրել է «օտարերկրյա գործակալների» ռեգիստրում։ Ծաղրանկարիչն այժմ ապրում է Իսրայելում։
Բացի Կուվաևից, դեկտեմբերի 26-ին հայտնի դարձավ, որ ՆԳՆ-ն հետախուզման մեջ է մտցրել մեկ այլ անիմացիոն սերիալի ստեղծող Ֆրիմեն Պավել Մունտյանին, ինչպես նաև Պետդումայի նախկին պատգամավոր Դմիտրի Գուդկովին։ Նախկինում նրանց նկատմամբ քրեական գործեր էին հարուցվել ռուսական բանակի մասին «կեղծ լուրերի» հոդվածով։