ԱՄՆ-ն խոստացել է աջակցել Ուկրաինային, բայց ոչ՝ 2022-2023 թթ. մակարդակով

ԱՄՆ-ն կշարունակի ռազմական աջակցություն ցուցաբերել Ուկրաինային, բայց ոչ 2022-2023 թվականների մակարդակով։ Այս մասին ճեպազրույցում ասել է ԱՄՆ Պետդեպարտամենտի խոսնակ Մեթյու Միլլերը։

«Մենք կշարունակենք աջակցել Ուկրաինային այնքան ժամանակ, որքան դա կպահանջվի, բայց դա չի նշանակում, որ մենք կշարունակենք աջակցել նրանց ռազմական ֆինանսավորման նույն մակարդակով, որը մենք տրամադրել ենք նրանց 2022 և 2023 թվականներին»,- ասել է Միլլերը:

Նա ընդգծել է, որ ԱՄՆ-ի օգնությունն Ուկրաինային դեռևս անհրաժեշտ է, և Քոնգրեսին կոչ է արել հնարավորինս շուտ համաձայնության գալ դրա շուրջ, Մոսկվան դատապարտում է Կիևին տրամադրվող ռազմական օգնությունը։ Նախագահ Վլադիմիր Պուտինը դեռևս դեկտեմբերին նշել էր, որ Ուկրաինան ինքն այլևս գործնականում ոչինչ չի արտադրում, և այլ երկրներից զենքի մատակարարումները երկար չեն տևի։ «Ամեն ինչ անվճար են բերում։ Բայց այս անվճարը կարող է մի օր ավարտվել: Եվ, ըստ երևույթին, այն ավարտվում է»,- ասել է պետության ղեկավարը։