«Շվեդիայում կարող է պատերազմ սկսվել». Շվեդիայի պաշտպանության նախարար

7380

Երկուշաբթի, 08 հունվարի, 2024 թ., 12:54

Շվեդիայի քաղաքացիական պաշտպանության նախարար Կառլ Օսկար Բոլինը զգուշացրել է, որ Շվեդիան կարող է պատերազմի մեջ մտնել:

«Ռուսաստանի սպառնալիքներին պետք է լուրջ վերաբերվել: Շվեդիայում կարող է պատերազմ սկսվել, և մեր ժողովուրդը պետք է պատրաստ լինի դրան: Շվեդիան 210 տարի պատերազմի մեջ չի եղել, սակայն Ռուսաստանի կողմից Ուկրաինայի վրա հարձակման արդյունքում Եվրոպայում անվտանգության հետ կապված իրավիճակը վատթարացել է: Ռուսաստանի արագ վերազինմանը պետք է շատ լուրջ վերաբերվել: Այսօր ամեն ինչ փոխվել է, և անվտանգության իրավիճակը վատացել է։ Որպես պատասխանատու նախարար՝ ես պարտավոր եմ դա բացատրել շվեդ ժողովրդին»,- ասել է նա՝ նշելով, որ կառավարությունը փորձում է բարձրացնել երկրի պաշտպանունակությունը: