«Հրադադար` չի նշանակում խաղաղություն». Զելենսկի

Էստոնիա այցի ընթացքում նախագահ Ալար Կարիսի հետ համատեղ մամուլի ասուլիսի ժամանակ Ուկրաինայի նախագահ Վլադիմիր Զելենսկին հայտարարել է, որ ներկայիս իրավիճակում հրադադարը Ռուսաստանին թույլ կտա ուժեղանալ, համալրել պաշարները՝ նոր հարձակումից առաջ, հաղորդում է ERR-ը:

«Հրադադար՝ չի նշանակում խաղաղություն: Դա նաև քաղաքական երկխոսության հնարավորություն չի տալիս: Ռուսաստանի զինամթերքի և անօդաչու սարքերի պաշարները սպառվում են, Ռուսաստանը շատ փորձառու զինվորներ է կորցրել: Պատահական չէ, որ նրանք փորձում են Իրանից գնել «Շահեդ» անօդաչուներ և բանակցություններ են վարում զենքի գնման շուրջ, այդ թվում՝ Հյուսիսային Կորեայից: Բայց եթե ռազմական գործողություններում ընդմիջում լինի, և Ռուսաստանին երկու-երեք տարի տրվի, նրանք կարող են վերականգնել իրենց ուժերը և առավելություն ապահովել մարտի դաշտում: Ուկրաինան հրադադարի մասին ցանկացած որոշում կկայացնի՝ հիմնվելով բացառապես իր շահերի վրա»,- ասել է Զելենսկին: