Օսթինը հայտնել է՝ ո՞րն էր Եմենում հարվածների նպատակը

ԱՄՆ պաշտպանության նախարար Լլոյդ Օսթինը, որը գտնվում է հիվանդանոցում, հայտարարել է, որ Եմենի ուղղությամբ հարվածների նպատակը եղել են հութների անօդաչու թռչող սարքերն ու հրթիռները: «Անօդաչուներով, թևավոր և բալիստիկ հրթիռներով Վաշինգթոնը հարվածել է ապստամբների ռադիոլոկացիոն կայաններին: Այդ կերպ ԱՄՆ-ը մտադիր էր նվազեցնել Կարմիր ծովում միջազգային առևտրին և նավագնացությանը սպառնալու՝ հութիների կարողությունը»,- ասել է Օսթինը: