ԱՄՆ-ում բանտարկյալի՝ ազոտով մահապատիժը կարող է համարվել խոշտանգում. ՄԱԿ

ԱՄՆ-ում բանտարկյալի՝ ազոտով մահապատիժը կարող է հավասարեցվել խոշտանգումների դասին: Այս մասին հայտարարել է ՄԱԿ-ի՝ Մարդու իրավունքների գերագույն հանձնակատար Ուոլքեր Թըրքը՝ մեկնաբանելով Ալաբամայում Քենեթ Յուջին Սմիթի մահապատիժը:

Նա ասել է, որ խորապես ցավում է այդ դեպքի համար, որն անհամատեղելի է մարդու կյանքի հիմնարար իրավունքի հետ:

«Լուրջ մտահոգություններ կան, որ ազոտով խեղդելու այս նոր և չստուգված մեթոդը կարող է հավասարեցվել խոշտանգումների կամ դաժան, անմարդկային կամ նվաստացնող վերաբերմունքի: Կոչ եմ անում բոլոր պետություններին մահապատժի մորատորիում սահմանել»,-ասել է նա: