Հինգշաբթի, 25 ապրիլի, 2024 թ.
|
Ստեփանակերտում`   +12 °C

Հաագայի միջազգային դատարանը կոշտ հայտարարությամբ է հանդես եկել Իսրայելի հասցեին

Հաագայի միջազգային դատարանը կոշտ հայտարարությամբ է հանդես եկել Իսրայելի հասցեին
1063
Ուրբաթ, 26 հունվարի, 2024 թ., 20:30

Հաագայի Արդարադատության միջազգային դատարանը Իսրայելին կոչ է արել դադարեցնել գործողությունները, որոնք կարող են մեկնաբանվել՝ որպես Ցեղասպանության մասին կոնվենցիայի խախտում, ուրբաթ՝ հունվարի 26-ին, հայտնում է Reuters-ը։
Գործակալության տվյալներով՝ վճիռը կայացվել է Հարավաֆրիկյան Հանրապետության կողմից ներկայացված հայցը քննարկելուց հետո։
Նշվում է, որ դատավորները որոշում չեն կայացրել Հարավային Աֆրիկայի հայցի առանցքային մասի վերաբերյալ՝ արդյոք Գազայում ցեղասպանություն եղել է, թե ոչ:
Հաղորդվում է, որ դատավորներն աջակցություն են հայտնել Հարավային Աֆրիկայի պահանջած գրեթե բոլոր հրատապ միջոցներին, բացառությամբ Գազայի հատվածում Իսրայելի ռազմական գործողությունների անհապաղ դադարեցման: