«Բանակցությունների ողջ ընթացքում Ադրբեջանն անընդհատ նոր պահանջներ է ներկայացնում». Մարուքյան
![]() 2998 Ուրբաթ, 02 փետրվարի, 2024 թ., 14:06 ՀՀ դեսպան Էդմոն Մարուքյանը X-ի իր միկրոբլոգում գրել է. «2022 թվականի մարտին Ադրբեջանն առաջարկեց 5 հիմնարար սկզբունքներ, որոնց վրա պետք է հիմնվեր Հայաստանի հետ խաղաղության պայմանագիրը, այն է՝ *Պետությունների՝ միմյանց նկատմամբ տարածքային պահանջների բացակայության փոխադարձ հաստատում և իրավական պարտավորության ընդունում, որ հետագայում նման պահանջ չի ներկայացվի, *Զերծ մնալ միջպետական հարաբերություններում միմյանց անվտանգությանն սպառնալուց, քաղաքական անկախության և տարածքային ամբողջականության դեմ սպառնալիքների և ուժի կիրառումից, ինչպես նաև այլ հանգամանքներից, որոնք չեն համապատասխանում ՄԱԿ-ի կանոնադրության նպատակներին, *Պետական սահմանի սահմանագծում և սահմանազատում, դիվանագիտական հարաբերությունների հաստատում, *Տրանսպորտի և կապի բացում, համապատասխան այլ հաղորդակցությունների ստեղծում և փոխադարձ հետաքրքրություն ներկայացնող այլ ոլորտներում համագործակցության հաստատում: Չնայած նշված սկզբունքներին անդրադարձ է կատարվել բանակցությունների ընթացքում, նաև՝ հրապարակայնորեն, Ադրբեջանը խուսափում է խաղաղության պայմանագրի ստորագրումից և բանակցությունների ողջ ընթացքում անընդհատ նոր պահանջներ է ներկայացնում՝ դրանով իսկ տորպեդահարելով խաղաղ գործընթացը։ Նախօրեին Ադրբեջանի նախագահ Ալիևը հայտարարեց, որ Հայաստանի և Ադրբեջանի միջև խաղաղություն կարող է հաստատվել միայն այն բանից հետո, երբ Հայաստանը փոփոխություններ կատարի իր Սահմանադրության և ներքին օրենսդրության մեջ՝ այդպիսով պաշտոնապես բարձրացնելով բոլորովին նոր նախապայման։ Ինչպես ասում են՝ «ախորժակը ուտելիս է բացվում», և այս անվերջ պահանջները գալիս են ապացուցելու միայն մեկ բան՝ Ադրբեջանը չի ցանկանում խաղաղություն տարածաշրջանում կամ խաղաղության պայմանագիր ստորագրել Հայաստանի հետ՝ մատների տակ գցելով ողջ միջազգային հանրությանը»։
Աղբյուրը` Էդմոն Մարուքյան |
Ադրբեջանի ԱԳՆ-ն շարունակում է մանիպուլացնել իրավական գործընթացներում ընդունված որոշումները
016:24«Զինծառայողը մահացել է իրեն ամրակցված ինքնաձիգից ստացած հրազենային վնասվածքից». ԱԱԾ
336Երեկ, 20:42Ամենայն Հայոց Կաթողիկոս Գարեգին Բ-ն մեկնել է Վատիկան
303Երեկ, 14:42«ԱՄՆ-Իրան անուղղակի բանակցությունները կշարունակվեն շաբաթ օրը՝ Օմանում»․ Բաղայի
532Երեկ, 13:03Ալիևն ընդունել է Կալլասին
539Երեկ, 11:39Վահագն Խաչատուրյանը կմասնակցի Ֆրանցիսկոս Պապի հուղարկավորության արարողությանը
353Երեկ, 10:24Թուրքիայի ԱԳՆ-ն դատապարտում է Հայոց ցեղասպանության մասին հայտարարություններ տարածած երկրներին
34824.04.2025, 23:18«Անհամբեր սպասում ենք Հայաստանի հետ մեր ռազմավարական գործընկերության շարունակությանը». Թրամփի ուղերձը Հայոց ցեղասպանության օրվա առիթով
58224.04.2025, 21:19