Չորեքշաբթի, 17 ապրիլի, 2024 թ.
|
Ստեփանակերտում`   +14 °C

Ծանրորդ Պետրոս Պետրոսյանը վնասվածքի պատճառով չի շարունակի պայքարը Եվրոպայի առաջնությանում

Ծանրորդ Պետրոս Պետրոսյանը վնասվածքի պատճառով չի շարունակի պայքարը Եվրոպայի առաջնությանում
1370
Երկուշաբթի, 19 փետրվարի, 2024 թ., 20:48

Հայաստանի ծանրամարտի տղամարդկանց ընտրանու անդամները շարունակում են ելույթները Բուլղարիայի մայրաքաղաք Սոֆիայում ընթացող՝ Եվրոպայի վարկանիշային առաջնությունում:

Մրցումային նախավերջին օրը պայքարի մեջ մտան 109 կգ քաշային ծանրորդները:

Հայաստանի հավաքականից 109 կգ քաշային Պետրոս Պետրոսյանը պոկում վարժության առաջին մոտեցման ժամանակ փորձեց բարձրացնել 165 կգ, սակայն վնասվածք ստացավ: Նա չի շարունակի պայքարը ԵԱ-ում:

Մինչ այս Հայաստանի հավաքականից Եվրոպայի առաջնության ոսկե մեդալակիրներ են դարձել 55 կգ քաշային Ալեքսանդրա Գրիգորյանը և 67 կգ քաշային Գոռ Սահակյանը, 96 կգ քաշային Հակոբ Մկրտչյանը: 96 կգ քաշային Դավիթ Հովհաննիսյանը դարձել է արծաթե մեդալակիր, իսկ 81 կգ քաշային Ռաֆիկ Հարությունյանը բրոնզե մեդալ է նվաճել: 102 կգ քաշում Սամվել Գասպարյանը դարձավ Եվրոպայի փոխչեմպիոն, Գարիկ Կարապետյանը՝ բրոնզե մեդալակիր: