Միջազգային մրցաշարից հայ բռնցքամարտիկները կվերադառնան 4 մեդալով

1214

Երկուշաբթի, 18 մարտի, 2024 թ., 21:18

Հայաստանի բռնցքամարտի ֆեդերացիան տեղեկացնում է․

«Սերբիայում կայացած բռնցքամարտի Ա կարգի միջազգային մրցաշարից հայ բռնցքամարտիկները կվերադառնան 4 մեդալով։

86 կգ քաշային Համլետ Հարությունյանը դարձել է արծաթե մեդալակիր՝ եզրափակիչում համառ պայքարում զիջելով աշխարհի չեմպիոնին։

54 կգ քաշային Ժիրայր Սարգսյանը, 60 կգ քաշային Արթուր Ղազարյանը և 67 կգ քաշային Արարատ Հարությունյանը նվաճել են բրոնզե մեդալ։ Մեր թիմը մրցավայր էր մեկնել մարզիչներ Ռուդիկ Մկրտչյանի և Արմեն Բաղդասարյանի գլխավորությամբ»։