Ընդդիմությունը հաղթում է Անկարայում, Ստամբուլում, Իզմիրում

Թուրքիայի խոշոր քաղաքների մունիցիպալ ընտրությունների ձայների հաշվարկի արդյունքների համաձայն՝ մայրաքաղաք Անկարայում ընդդիմադիր Ժողովրդահանրապետական ​​կուսակցության գործող քաղաքապետ Մանսուր Յավասը (55,92%) առաջատարն է՝ զգալիորեն առաջ անցնելով իր մրցակցից՝ Արդարություն և զարգացում կուսակցության ներկայացուցիչ Թուրգութ Ալթինոկից (36,66%).

Թուրքիայի ամենամեծ քաղաքում՝ Ստամբուլում, ընդդիմադիր քաղաքապետ Էքրեմ Իմամօղլուն ձայների 49,53%-ով առաջատարն է, իսկ իշխող կուսակցությունից նրա մրցակից Մուրադ Քուրումը հավաքում է 41,79% ձայն։

Իզմիրում ընդդիմադիր թեկնածու Ջեմիլ Թուգայը հավաքում է ձայների 47,48%-ը՝ առաջ անցնելով մրցակից Համզա Դաղից (37,48%)։

Թուրքիայի մի շարք այլ խոշոր քաղաքներում՝ Անթալիայում, Ադանայում, Մանիսայում և Բուրսայում Ժողովրդահանրապետական ​​կուսակցությունն առաջ է անցել ներկայիս նախագահ Ռեջեփ Թայիփ Էրդողանի կուսակցությունից։