Կիրակի, 13 հուլիսի, 2025 թ.
|
Ստեփանակերտում`   +33 °C

Սպանվել է ԴԱԻՇ-ի առաջնորդը

Սպանվել է ԴԱԻՇ-ի առաջնորդը
2051
Հինգշաբթի, 02 մայիսի, 2024 թ., 22:06

«Իսլամական պետության» (ԴԱԻՇ) բարձրաստիճան հրամանատարը, որի գտնվելու վայրի մասին տեղեկությունների համար 5 միլիոն դոլար պարգև էր սահմանվել, սպանվել է անվտանգության ուժերի կողմից, որի կազմում են Մալիի, Բուրկինա Ֆասոյի և Նիգերի զորքերը: Այս մասին հայտնել է Մալիի պետական ​​հեռուստատեսությունը։

Մալին Բուրկինա Ֆասոյի և Նիգերի հետ մեկտեղ ավելի քան մեկ տասնամյակ պայքարում է զինված խմբավորումների դեմ, այդ թվում՝ Ալ-Քաիդայի և ԴԱԻՇ-ի հետ կապ ունեցողների: Աֆրիկյան մայրցամաքում ԴԱԻՇ-ի ամենափնտրվող անդամներից մեկը՝ Աբու Հուզեյֆան՝ Հիգգո մականունով, սպանվել է կիրակի օրը Մալիի հյուսիսում գտնվող Մենակա շրջանի Ինդելիման քաղաքում գործողության ժամանակ։

Մարոկկոյի քաղաքացի Աբու Հուզեյֆան հայտնի է Աֆրիկայում ամերիկյան զորքերի վրա մի շարք հարձակումներով: ԱՄՆ-ն 5 միլիոն դոլար պարգև էր առաջարկել յուրաքանչյուրին, ով տեղեկություններ կտրամադրեր նրա գտնվելու վայրի մասին:

ԱՄՆ-ի պետքարտուղարության և պաշտպանության նախարարության պաշտոնյաները հայտնել են, որ իրենք տեղյակ են Աբու Հուզայֆայի մահվան մասին Մալիից ստացված հաղորդագրություններից, սակայն լրացուցիչ տեղեկություններ են փնտրում:

Աբու Հուզեյֆա
Աբու Հուզեյֆա