Չորեքշաբթի, 29 հոկտեմբերի, 2025 թ.
|
Ստեփանակերտում`   +13 °C

«Արտաքին ուժերը փորձում են հեղաշրջում կազմակերպել Վրաստանում»․ Թբիլիսիի քաղաքապետ

«Արտաքին ուժերը փորձում են հեղաշրջում կազմակերպել Վրաստանում»․ Թբիլիսիի քաղաքապետ
611
Հինգշաբթի, 16 մայիսի, 2024 թ., 10:06

Արտաքին ուժերը փորձում են Վրաստանում պետական հեղաշրջում կազմակերպել։ Այս մասին Rustavi-2 հեռուստաալիքի եթերում ասել է Թբիլիսիի քաղաքապետ և իշխող «Վրացական երազանք» կուսակցության գլխավոր քարտուղար Կախա Կալաձեն։

«Իհարկե, դրսից փորձ է արվում հեղաշրջում, հեղափոխություն իրականացնել երկրում։ Դրա օրինակն են անգամ այն օտարերկրացիները, որոնք մասնակցել են հանրահավաքին»,- ասել է նա։

Կալաձեն հիշեցրել է Էստոնիայի, Լիտվայի և Իսլանդիայի ԱԳ նախարարների ելույթները Թբիլիսիի կենտրոնում՝ մայիսի 15-ին կայացած հավաքի ժամանակ։ Նա քննադատել է դիվանագետների գործողությունները՝ դրանք անվանելով հասարակության բևեռացման փորձ և Վրաստանի նկատմամբ թշնամանքի դրսևորում: