Չորեքշաբթի, 09 հուլիսի, 2025 թ.
|
Ստեփանակերտում`   +24 °C

«Աշխարհն ուղիղ եթերում հետևում է Նեթանյահու անունով վամպիրի բարբարոսությանը»․ Էրդողան

«Աշխարհն ուղիղ եթերում հետևում է Նեթանյահու անունով վամպիրի բարբարոսությանը»․ Էրդողան
597
Չորեքշաբթի, 29 մայիսի, 2024 թ., 16:00

Աշխարհի ոչ մի պետություն, այդ թվում՝ Թուրքիան, չի կարող ապահով լինել, քանի դեռ Իսրայելը «չի ենթարկվում միջազգային իրավունքին»։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, հաղորդում է Anadolu-ն։

«Ոչ մի հավատք չի արդարացնում վրաններում անմեղ քաղաքացիական անձանց հրկիզումը։ Աշխարհն ուղիղ եթերում հետևում է Նեթանյահու անունով վամպիրի բարբարոսությանը։ Խաղաղ պաղեստինցիների արյունը նաև ԱՄՆ-ի, Եվրոպայի պետությունների և կառավարությունների ղեկավարների ձեռքերում է, որոնք իրենց լռությամբ գործընկեր են դառնում Իսրայելի վամպիրացմանը»,- ասել է նա։

Էրդողանը նաև մեղադրել է ՄԱԿ-ին․ «ՄԱԿ-ը չկարողացավ պաշտպանել նույնիսկ սեփական անձնակազմն ու հումանիտար աշխատողներին, էլ չեմ խոսում ցեղասպանությունը դադարեցնելու մասին։ Գազայում մահացել է ոչ միայն մարդկությունը, այլև ՄԱԿ-ը»։