Հայ Առաքելական եկեղեցին կդիմի ԿԳՄՍՆ-ին Աղջոց վանքն իրենց հանձնելու հարցով
913 Երեքշաբթի, 04 հունիսի, 2024 թ., 00:06 Վերականգնող ճարտարապետ Գարեգին Կնյազյանը խնամքով դեռեւս թղթի վրա վերականգնել է միջնադարի ճարտարապետական գլուխգործոց համարվող Աղջոց վանական համալիրը: Գեղարդից 7 կմ դեպի հարավ արեւելք լեռան լանջին է գտնվում երբեմնի վեհաշուք այս վանքը, այն ավերածություններից թեեւ խոնարհվել, բայց չի կորցրել իր վեհությունը: «Աղջոց համալիրը նշանավոր է նրանով, որ ըստ Հայ Առաքելական եկեղեցու սրբազան ավանդության, հիմնվել է առաջին հայրապետի՝ Գրիգոր Լուսավորչի կողմից, հիմնվել է որպես կուսանաց վանք: Վայրն էլ ընտրվել է այն տեղանքը, որտեղ նահատակվել է Հայաստանում 3-րդ դարի երկրորդ կեսին Քրիստոսի քարոզչության գործ կատարած անձանցիցի մեկը Սուրբ Ստեփանոս քահանան»,- «Առավոտ»-ին պատմել է պատմաբան Արմեն Մալխասյանը: Մասյացոտնի թեմի առաջնորդ Գեւորգ եպիսկոպոս Սարոյանն էլ պատմեց, որ Գեւորգ Ալիշանի պեղած տեղեկությունների համաձայն վանքը պետք է, որ հիմնված լինի 4-րդ դարում: Ի սկզբանե, որպես սրբավայր է եղել, իսկ որպես վանք ձեւավորվել 13-րդ դարում ի պատիվ հռիփսիմյան կույսերի էլ անվանվել է Աղջկոց, այսինքն՝ աղջիկների վանք: Սուրբ Ստեփանոս եկեղեցու արևմտյան կողմում գտնվում է Գավիթը: Պատկանում է քառասյուն գավիթների տիպին, որի ծածկը իրականացված է եղել երկու զույգ փոխհատվող կամարներով: Պահպանվել է միայն արևելյան պատերի մի մասը:Համալիրի առավել ուշագրավ հուշարձաններից է եւ Սուրբ Պողոս-Պետրոս եկեղեցին, որը գտնվում է Ս. Ստեփանոս եկեղեցու հյուսիսային կողմում: Արևմտյան դռան ճակատակալ քարի վրա պահպանվել է 13-րդ դարում եղծված շինարարական արձանագրությունը: Պարզ հատակագծով, արևելյան կողմից կիսաշրջան ավագ խորանով, երկու կողմերից ավանդատներ ունեցող թաղածածկ կառույց է: Եկեղեցու արևմտյան մուտքի երկու կողմերում Ս. Պողոս և Ս. Պետրոս առաքյալների հարթաքանդակներն են, որոնք միջնադարյան քանդակագործական արվեստի բացառիկ նմուշներից են: |
«1489» ֆիլմը կցուցադրվի Կենտրոնական Եվրոպայի ամենամեծ կինոփառատոնում
7503:24«Երևանը երեկ և այսօր». ցուցահանդես՝ Ճարտարապետության թանգարանում (լուսանկար)
162Երեկ, 18:30«Հայկական չարխափան հմայիլներ». Համլետ Հովսեփյան (տեսանյութ)
249Երեկ, 03:06«Զառա Տոնիկյանը ձեզնի՛ց էր փախել, վայրենինե՛ր, ձե՛զ պես գիշատիչներից». Դավիթ Գյուլզադյան (տեսանյութ)
322Երեկ, 00:36«ՀՀ խայտառակության փաստաթղթի տակ ո՞վ է մնալու, բացի այս իշխանություններից». Արթուր Գևորգյան
29220.10.2024, 21:54«Ի՞նչ եք կարծում, սա որտե՞ղ է». Կարեն Հեքիմյան
42320.10.2024, 20:54Պեղումներ՝ «Տափի բերդ» ամրոցում (լուսանկար)
34619.10.2024, 22:54«Պատահականորեն փրկվել է ականավոր պատմաբան ու հնագետ Գևորգ Տիրացյանի արխիվը». Հայկ Դեմոյան
32919.10.2024, 22:36