Բայդենը՝ որդու դատավճռի մասին

ԱՄՆ նախագահ Ջո Բայդենը մեկնաբանել է երդվյալ ատենակալների ժյուրիի՝ վերջերս կայացրած որոշումը, համաձայն որի՝ նրա որդին՝ Հանթեր Բայդենը, մեղավոր է ճանաչվել զենք պահելու գործով։

«Ինչպես անցած շաբաթ խոստացել էի, ես ընդունում եմ դատավճռի արդյունքները։ Ես միշտ կլինեմ Հանթերի և մեր ընտանիքի մնացած անդամների կողքին՝ ցուցաբերելով սեր և աջակցություն: Ոչինչ երբեք չի փոխի դա»,- NBC News-ը մեջբերում է Բայդենի խոսքը։

Հանթեր Բայդենը հունիսի 11-ին մեղավոր է ճանաչվել զենքի պահման հետ կապված խախտումների գործով մեղադրանքի բոլոր 3 կետերով: Երդվյալ ատենակալների որոշման համաձայն՝ նա ստել է, որ թմրանյութ չի օգտագործում, երբ ձևակերպել է Colt Cobra 38SPL ատրճանակի գնումը։ ԱՄՆ նախագահի որդուն սպառնում է մինչև 25 տարվա ազատազրկում և մինչև 750 հազար դոլարի չափով տուգանք: