«Ինձ համար, ցավոք սրտի, հավաքականի դուռը փակ է»․ Հենրիխ Մխիթարյան

«Ինձ համար, ցավոք սրտի, հավաքականի դուռը փակ է»,- «Newmag/summerfest-2024»-ի շրջանակում, պատասխանելով Հայաստանի ֆուտբոլի ազգային հավաքական վերադառնալու հավանականության մասին հարցին, ասել է թիմի նախկին ավագ Հենրիխ Մխիթարյանը:
«Ես գոհ եմ իմ կայացրած որոշումներից ու անցած ճանապարհից, այն ինչ ունի սկիզբ, ունի նաև ավարտ։ Ավելի լավ է ավարտել մեկ քայլ շուտ, քան՝ երկու քայլ ուշ: Ավելի լավ է, որ այդ որոշումը կայացնես դու, քան՝ ուրիշները։ Թե՛ ֆուտբոլային կարիերայի ընթացքում, թե՛ դրանից դուրս կայացրած որևէ որոշման համար չեմ զղջում: Գոհ եմ իմ կայացրած որոշումներից, գոհ եմ իմ անցած ճանապարհից: Որոշ մարդիկ կարող են ասել, թե կարող էի ավելի լավ կամ ավելի վատ կարիերա ունենալ, բայց կարծում եմ՝ ոչ մեկս մեր ճակատագրից չենք կարող փախչել: Պետք է համակերպվենք նրա հետ, ինչ ունենք և շնորհակալ լինենք Աստծուն այն ամենի համար, ինչ նա մեզ տվել է: Կարող եմ ասել, որ ինձ համար, ցավոք սրտի, հավաքականի դուռը փակ է»,- ասել է Հենրիխ Մխիթարյանը: