Բայդենն ուղերձ է հղել ժողովրդին

ԱՄՆ նախագահ Ջո Բայդենը նախկին նախագահ, նախագահի թեկնածու Դոնալդ Թրամփի դեմ մահափորձից հետո հանդես է եկել ժողովրդին ուղղված ուղերձով։ Բայդենը կոչ է արել հրաժարվել քաղաքականության մեջ բռնությունից, հաղորդում է CNN-ը։

«Մենք պետք է քաղաքականության մեջ իջեցնենք ջերմաստիճանը։ Չպետք է թույլ տանք, որպեսզի նման դեպքերը նորմալ դառնան։ Մեր երկրում քաղաքական հռետորաբանությունը շատ թեժ է դարձել։ Ժամանակն է սառեցնել այն։ Դա անելը բոլորիս պատասխանատվությունն է։ ԱՄՆ-ում մեր տարաձայնությունները լուծում ենք քվեատուփի մոտ, ոչ թե փամփուշտների օգնությամբ»,- ասել է Բայդենը։