Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Դեպի խաղաղություն ուղիղ ճանապարհն Ուկրաինայից ռուսական զորքերի դուրսբերումն է»․ Շառլ Միշել

«Դեպի խաղաղություն ուղիղ ճանապարհն Ուկրաինայից ռուսական զորքերի դուրսբերումն է»․ Շառլ Միշել
1335
Չորեքշաբթի, 17 հուլիսի, 2024 թ., 14:54

Եվրոպական խորհրդի նախագահ Շառլ Միշելն ի պատասխան Հունգարիայի վարչապետ Վիկտոր Օրբանի՝ «խաղաղ առաքելության» վերաբերյալ նամակի՝ հայտարարել է, որ Ուկրաինայի մասին ոչ մի քննարկում չի կարող տեղի ունենալ առանց Ուկրաինայի: Այս մասին հայտնում է Reuters-ը։

Միշելը նշել է, որ ԵՄ Խորհրդում Հունգարիայի նախագահությունը դեր չի խաղում միջազգային ասպարեզում կազմակերպության ներկայացուցչությունում, և դրա համար ԵԽ-ն չի լիազորել Հունգարիային։ Նա նաև հերքել է Օրբանի այն պնդումը, թե ԵՄ-ն, իբր, «ռազմական քաղաքականություն» է վարում։ Շառլ Միշելը նշել է, որ Ռուսաստանն ագրեսոր է, իսկ Ուկրաինան՝ ինքնապաշտպանության իրավունքն իրացնող զոհ: Ուստի, նրա խոսքով, դեպի խաղաղություն ուղիղ ճանապարհն Ուկրաինայից ռուսական զորքերի դուրսբերումն է։