Արգենտինական ֆուտբոլային ակումբն Ազնավուրին նվիրված մարզաշապիկ ունի

355

Հինգշաբթի, 08 օգոստոսի, 2024 թ., 00:36

Շառլ Ազնավուրի ծննդյան 100-ամյակի շրջանակում Արգենտինայում տեղի ունեցավ արգենտինական «Դեպորտիվո արմենիո» ֆուտբոլային ակումբի՝ Ազնավուրին նվիրված մարզաշապիկի շնորհանդեսը: Հայտնում են հիմնադրամի մամուլի ծառայությունից։

Արգենտինայում Հայաստանի և Ֆրանսիայի դեսպանությունների, ինչպես նաև ակումբի կողմից կազմակերպված այս միջոցառմանը ողջույնի խոսքով հանդես եկան Ֆրանսիայի և Հայաստանի դեսպաններ Ռոման Նադալը և Հովհաննես Վիրաբյանը, ակումբի նախագահ Լուսիանո Նակիսը: Ցուցադրվեց «Ազնավուր» հիմնադրամի համահիմնադիր և հոգաբարձուների խորհրդի նախագահ Նիկոլա Ազնավուրի հատուկ տեսաուղերձը, դուդուկահար Գագիկ Գասպարյանը հադես եկավ ազնավուրյան կատարումներով: