Արթուր Աբրահամը Փարիզում հանդիպել է Արթուր Ալեքսանյանի և Մալխաս Ամոյանի հետ

Պրոֆեսիոնալ բռնցքամարտիկ Արթուր Աբրահամը Փարիզում ներկա է գտնվել Օլիմպիական խաղերի եզրափակիչ հանդիպումներին, դահլիճից հետևել հայ մարզիկների մրցելույթներին և քաջալերել նրանց:
«Ուզում եմ ասել, որ դուք ինձ համար և հայ ժողովրդի համար օլիմպիական չեմպիոններ եք ու ըմբշամարտի արքաներ: Դուք դա ապացուցել եք և դեռ էլի եք ապացուցելու»,- հունահռոմեական ոճի ըմբշամարտի Հայաստանի ներկայացուցիչներ Արթուր Ալեքսանյանի ու Մալխաս Ամոյանի հետ հանդիպման ժամանակ ասել է Արթուր Աբրահամը։ Այս մասին հայտնում է նրա խոսնակ Սիրան Գրիգորյանը։