«Հիասթափված եմ մրցավարական անարդարությունից»․ Արթուր Ալեքսանյան
![]() 430 Ուրբաթ, 09 օգոստոսի, 2024 թ., 10:30 Փարիզի 33-րդ Օլիմպիական խաղերի արծաթե մեդալակիր Արթուր Ալեքսանյանն առաջին մեկնաբանությունն է տվել եզրափակիչ գոտեմարտից հետո: «Ես այստեղ ոսկե մեդալի համար էի եկել: Բայց իմ գոտեմարտի ժամանակ բոլորդ տեսաք, թե ինչ կատարվեց: Այդ դրվագում իրանցի ըմբիշը երկու ոտքով գտնվում էր գոտեմարտելու տարածքից դուրս: Եվ ես այդ պահը նկատեցի և ինքս ասացի, որ մարզիչները բողոքարկեն: Եթե երկու ոտքով դուրս ես գալիս, ուրեմն մեկ միավոր ինձ պետք է տային: Բայց այդ մեկ միավորի փոխարեն երկու միավոր տվեցին իրանցի ըմբիշին, ևս մեկն ավելացրին բողոքարկելու համար: Բոլորն են հարցնում, թե ինչո՞ւ հանեցի մեդալը: Սրա համար եմ հանել այն: Այդտեղ մեկ միավորը իմը պետք է լիներ, և հաշիվն էլ պետք է լիներ 2:1 հօգուտ ինձ»,- «Արմենպրես»-ի թղթակցի հաղորդմամբ՝ լրագրողների հետ զրույցում ասել է Ալեքսանյանը: Վերջինիս խոսքով՝ այժմ հիասթափությունը մեծ է մրցավարական անարդարությունից: «Ապագայի մասին դեռևս վերջնական չեմ որոշել: Եվ, իրոք, այս անարդարություններից շատ եմ հիասթափված: Դեռ մնալու եմ ըմբշամարտում: Հույս ունեմ, որ արդարությունը կվերականգնվի»-առանձնացրեց նա: Ըստ Ալեքսանյանի՝ մրցավարների հետ կապված խնդիրներ կային նաև Սլավիկ Գալստյանի գոտեմարտում, ինչը տպավորություն է ստեղծում, որ Հայաստանի հավաքականի դեմ ինչ-որ տեղ լարվածություն կա: «Ինչ վերաբերում է գոտեմարտերին ներկա մեծաքանակ հայ երկրպագուներին, կարծես ես տանը գոտեմարտեի: Ուզում եմ շնորհակալություն հայտնել հայ համայնքին, բոլոր հայերին, ովքեր ներկա էին: Իրոք մեծ աջակցություն ենք զգացել: Ամբողջ թիմի անունից շատ մեծ շնորհակալություն եմ հայտնում բոլորին»,-ասաց ըմբիշը: Եզրափակչում Ալեքսանյանը մրցել էր Իրանից Մոհամմադհադի Սարավիի հետ՝ զիջելով 4:1 հաշվով, նա երկրորդ անգամ իր կարիերայի ընթացքում դարձել ՕԽ արծաթե մեդալակիր:
|
ՀՖՖ նախագահի հրաժարականի պահանջով ձերբակալված ֆուտբոլասերներն ազատ արձակվեցին (տեսանյութ)
221Երեկ, 00:30«Նման ծայրահեղ մեթոդները հայկական ֆուտբոլը ոչ մի լավ կետի չեն բերի». Եղիշե Մելիքյան
25803.03.2025, 22:54«Բարսելոնայի ակադեմիա պետք է բացվեր Հայաստանում, մնացել էր միայն ստորագրման օրը հստակեցվեր». Ալֆրեդ Պետրոսյան
43003.03.2025, 01:06ՀՖՖ գործկոմի անդամ Կարեն Շաբոյանը հրաժարական տվեց՝ կանգնելով երկրպագուների կողքին
49802.03.2025, 19:42«Կոչ ենք անում անհապաղ ազատ արձակել ձերբակալվածներին»․ FAF
55602.03.2025, 14:30Մահացել է Դերենիկ Ոսկանյանը
36902.03.2025, 11:36«Բերման է ենթարկվել առնվազն 11 երկրպագու»․ «Սև հովազներ» ֆան ակումբ
39301.03.2025, 21:32«Հանրապետական մարզադաշտը որակազրկման վտանգի տակ է»․ ՀՖՖ
35301.03.2025, 19:30