Իրանը կարող է հարվածել «Մոսադի» օբյեկտներին․ #PressTV

1536

Չորեքշաբթի, 14 օգոստոսի, 2024 թ., 14:00

Իրանցի զինվորականները կարող են հարվածներ հասցնել Թել Ավիվում «Մոսադ» հետախուզական ծառայության օբյեկտներին՝ ի պատասխան ՀԱՄԱՍ-ի քաղբյուրոյի ղեկավար Իսմայիլ Հանիեի և «Հըզբոլլահի» առաջնորդի խորհրդական Ֆուադ Շուքրի սպանության: Այս մասին հաղորդում է իրանական Press TV-ն։

«Մեր կատարած վերլուծությունը ցույց է տալիս, որ Թել Ավիվում ամենահավանական թիրախները կենտրոններն են, որոնք կապված են իսրայելական «Մոսադ» հետախուզական ծառայության հետ, որն առանցքային դեր է ունեցել Հանիեի և Շուքրի սպանության մեջ»,- հայտնում է հեռուստաալիքը։

Ընդ որում, հեռուստաալիքը նշում է, որ տեղեկություններ չունի, թե երբ և ինչպես Իրանը հարված կհասցնի։