Ծնվել են պատերազմում զոհված Վարուժան Սաղումյանի երկվորյակ քույրերը

Ծնվել են Արցախյան 44-օրյա պատերազմում նահատակված տավուշցի զինծառայող Վարուժան Սաղումյանի երկվորյակ քույրերը՝ Մարիամը և Աննան։
Վարուժան Արմանի Սաղումյանը ծնվել է 2002թ-ի մայիսի 7-ին, Բերդ համայնքի Տավուշ գյուղում։ Սովորել է Տավուշի միջն. դպրոցում, այնուհետև ընդունվել Հայաստանի ֆիզիկական կուլտուրայի և սպորտի պետական ինստիտուտ։
2020թ-ին զորակոչվել է պարտադիր ժամկետային զինվորական ծառայության՝ Արցախի Հանրապետության զորամասերից մեկում։ Առաջին իսկ օրվանից մասնակցել է Արցախյան 44-օրյա պատերազմին՝ տարբեր ճակատներում։ Նահատակվել է պատերազմի 12-րդ օրը: