Հատուկջոկատայինները ոչնչացրել են Սուրովիկինոյի ուղղիչ գաղութի պատանդառուներին

«Ռոսգվարդիա»-ն հայտնել է, որ օգոստոսի 23-ի ցերեկը հարձակման ժամանակ հատուկ ջոկատայինները թիվ 19 ուղղիչ գաղութում ոչնչացրել են 4 բանտարկյալի Վոլգոգրադի շրջանի Սուրովիկինո քաղաքում, հաղորդում է Interfax-ը:

«Վոլգոգրադի մարզում ռուսական գվարդիայի հատուկ նշանակության ջոկատի դիպուկահարները 4 դիպուկ կրակոցով վնասազերծել են բանտի աշխատակիցներին պատանդ վերցրած 4 բանտարկյալների։ Պատանդներն ազատ են արձակվել»,- հայտնել են վարչությունից։

«4 բանտարկյալներ, որոնք, ենթադրաբար, կապված են «Իսլամական պետություն» ահաբեկչական խմբավորման հետ, օգոստոսի 23-ին պատանդ են վերցրել բանտի աշխատակիցներին։ Պատանդ վերցնելու ժամանակ բանտարկյալներն ասել են, որ վրեժ են լուծում «մուսուլման եղբայրների համար», որոնք կալանավորվել են Crocus City Hall-ում տեղի ունեցած ահաբեկչությանը մասնակցելու համար։ Ռուսական լրատվամիջոցների փոխանցմամբ՝ հատուկ ջոկատայինները գրոհը սկսել են մոտ 16։00-ին, իսկ ահաբեկիչներն սպանվել են առաջին րոպեներին»։