Հրդեհի պատճառով «Օռլեան»-«Վալանսիեն» հանդիպումն անավարտ է մնացել

Ֆուտբոլի Ֆրանսիայի երրորդ դիվիզիոնի «Օռլեան»-«Վալանսիեն» հանդիպումն անավարտ է մնացել հրդեհի պատճառով։ Այս մասին հայտնում է ESPN-ը։
Օգոստոսի 23-ին «Ստադ դե լա Սուրս» ստադիոնում տեղի ունեցած հանդիպումը 1:1 հաշվի ժամանակ ընդհատվել է ստադիոնի հարևանությամբ գտնվող բարում սկսված հրդեհի և ստադիոնի տարածքում գտնվող մարդկանց ծխահարվելու վտանգի հետևանքով։ Հրդեհը կարճ ժամանակում մարվել է, տուժածներ չկան, սակայն անվտանգության նկատառումներով հանդիպումը չի շարունակել։