Եվրոհանձնաժողովը «տեխնիկական հետաքննություն» է սկսել Telegram-ի դեմ

668

Հինգշաբթի, 29 օգոստոսի, 2024 թ., 11:18

Եվրոհանձնաժողովը «տեխնիկական հետաքննություն» է սկսել Telegram-ի դեմ, գրում է Financial Times-ը՝ վկայակոչելով իր աղբյուրները։

Նշվում է, որ մեսենջերը կարող էր նվազեցնել ԵՄ-ում օգտատերերի թիվը՝ խուսափելու խոշոր առցանց հարթակների համար խիստ պահանջների կատարումից, ինչպիսիք են գովազդի սահմանափակումները, ապատեղեկատվության դեմ միջոցառումները և անչափահասների պաշտպանությունը:

Telegram-ը փետրվարին հաղորդել է 41 միլիոն օգտատերերի մասին և այդ ժամանակից ի վեր չի թարմացրել այդ տվյալները: ԵՄ թվային ծառայությունների մասին օրենքի համաձայն՝ ընկերությունը պետք է ընթացիկ թվեր ներկայացներ օգոստոսին, սակայն սահմանափակվել է այն հայտարարությամբ, որ այդ թիվը զգալիորեն պակաս է։

Թարմացված տվյալների չտրամադրումը կարող է նաև նշանակել, որ Telegram-ը խախտում է օրենքի նորմերը, գրում է պարբերականը: