«Ես հավաքականի գլխավոր մարզիչն եմ, չեմ կարող խաղացողներ գնել»․ Ալեքսանդր Պետրակով

Հայաստանի ֆուտբոլի հավաքականի գլխավոր մարզիչ Ալեքսանդր Պետրակովն ու պաշտպան Վարազդատ Հարոյանը նախախաղային ասուլիսում պատասխանել են լրագրողների հարցերին։

Հայաստանի թիմը պատրաստվում է Ազգերի լիգայի առաջիկա հանդիպումներին Լատվիայի ու Հյուսիսային Մակեդոնիայի թիմերի դեմ։ Անդրադառնալով կենտրոնական հարձակվողի դիրքում մեծ ընտրություն չունենալու հարցին՝ Պերակովն ասել է․ «Ես հավաքականի գլխավոր մարզիչն եմ, չեմ կարող խաղացողներ գնել։ Այո, այդ դիրքի հետ կապված խնդիր ունենք այսօր։ Ամեն դեպքում, վաղվա խաղում կտեսնենք, թե ինչ լուծում կկարողանանք գտնել այդ հարցի շուրջ․․․ Հույս ունեմ՝ մոտակա ժամանակերում ինչ-որ մեկը կհայտնվի այդ դիրքի համար»։