Երիտասարդական ԱԱ․ Էմմա Պողոսյանը նվաճեց չեմպիոնի տիտղոսը

Իսպանիայում անցկացվող՝ ծանրամարտի աշխարհի երիտասարդական առաջնությունում Հայաստանը նվաճեց չեմպիոնի տիտղոսը։ Կանանց 81 կգ քաշային կարգում երկամարտի 233 կգ արդյունքով չեմպիոն հռչակվեց Էմմա Պողոսյանը։

Պոկում վարժությունում նա 100 կգ արդյունքով գրավեց 5-րդ տեղը։ Հրում վարժությունում 133 կգ արդյունքով նվաճեց փոքր ոսկե մեդալ։

Երկամարտում նա 1 կգ գերազանցեց երկրորդ տեղը զբաղեցրած մեքսիկացի Էրնանդեսին։