Չորեքշաբթի, 16 սեպտեմբերի, 2026 թ.
|
Ստեփանակերտում`   +18 °C

Ուղևորությունը չեղարկած կինը շահել է 500 հազար դոլար

Ուղևորությունը չեղարկած կինը շահել է 500 հազար դոլար
2972
Կիրակի, 29 սեպտեմբերի, 2024 թ., 22:48

ԱՄՆ-ում՝ Միչիգան նահանգում, մի կին վիճակախաղով շահել է 500 հազար դոլար՝ շաբաթավերջին չեղարկված ընտանեկան ուղևորության շնորհիվ: Այս մասին գրում է Michigan Lottery Connect-ը։

Թրեյսի Վերբովսկին ասել է, որ վաղուց էր ծրագրել կարճատև ճանապարհորդության գնալ ընտանիքի հետ, բայց ծրագրերը չեղարկվել են: Ընթրիքից հետո կինը հիշել է, որ ունի Detroit Lions ակնթարթային վիճակախաղի՝ փոքր գումարներ շահած մի քանի տոմս: Վերբովսկին գնացել է մոտակա սուպերմարկետ՝ դրանք կանխիկացնելու և նորերը գնելու համար: Տանը նա սկսել է ստուգել տոմսերը և հասկացել, որ հարստացել է։

«Երբ ես ջնջեցի մեկ տոմսի անվտանգության ժապավենը և տեսա, որ շահել եմ 500 հազար դոլար, ես բղավեցի: Ես ցույց տվեցի տոմսն ընտանիքիս, և սկզբում ոչ ոք չէր հավատում դրան»,- ասաց նա՝ նշելով, որ այժմ ուրախ է, որ չեղարկվել է ճանապարհորդությունը։