Կիրակի, 04 մայիսի, 2025 թ.
|
Ստեփանակերտում`   +13 °C

Մասուդ Փեզեշքիանն ընդունել է Շահին Մուստաֆաևին. հայտնի է` ինչ են քննարկել

Մասուդ Փեզեշքիանն ընդունել է Շահին Մուստաֆաևին. հայտնի է` ինչ են քննարկել
3016
Երկուշաբթի, 14 հոկտեմբերի, 2024 թ., 19:54

Իրանը հսկողության տակ է պահում Թեհրանում Ադրբեջանի դեսպանատան վրա հարձակման դատավարությունը, հայտարարել է Իրանի նախագահ Մասուդ Փեզեշքիանն Ադրբեջանի փոխվարչապետ Շահին Մուստաֆաևի հետ հանդիպմանը։

«Մենք վերահսկելու ենք այս գործը, քանի դեռ իրավական ընթացակարգերն ամբողջությամբ չեն ավարտվել»,- ասել է Իրանի նախագահը:

Նրա խոսքով, Իրանի համար շատ կարևոր է Ադրբեջանի հետ հարաբերությունների զարգացումը։ Նշվել է, որ Իրանը ողջունում է երկու երկրների միջև կապերի զարգացումը տրանսպորտային ոլորտում՝ ցանկանալով շարունակել և զարգացնել համագործակցությունը էներգետիկայի և գյուղատնտեսության ոլորտում։

Շահին Մուստաֆաևն իր հերթին նշել է, որ Ադրբեջանը պատրաստ է նաև Իրանի հետ զարգացնել համագործակցությունը տնտեսության, առևտրի, մշակույթի, տարանցման, անվտանգության և պաշտպանության ոլորտներում։

Մուստաֆաևը Իրանի նախագահին հրավիրել է COP29-ին, որը տեղի կունենա մոտ ապագայում Բաքվում։