«Ես գիտեմ, թե Իսրայելը երբ կհարվածի Իրանին». Ջո Բայդեն

5947

Ուրբաթ, 18 հոկտեմբերի, 2024 թ., 21:24

ԱՄՆ-ի նախագահ Ջո Բայդենն ասել է, որ «գիտի, թե ինչպես և երբ Իսրայելը կարձագանքի» Իրանի կողմից հոկտեմբերի սկզբին տեղի ունեցած հրթիռային հարձակմանը։

Ըստ Guardian-ի՝ Բայդենը հրաժարվել է լրացուցիչ մանրամասներ հայտնել Իսրայելի ծրագրերի մասին։ Նախագահը նաև հույս է հայտնել, որ Լիբանանում հրադադարի հաստատումը հնարավոր է՝ հավելելով, որ Գազայի հատվածում իրավիճակը կարող է ավելի դժվար լուծելի լինել։

Բայդենի հայտարարությունը հնչել է երեկ երեկոյան Իսրայելի վարչապետ Բենիամին Նեթանյահուի հետ նրա հեռախոսազրույցից հետո, երբ իսրայելցի բարձրաստիճան պաշտոնյան ասել է, որ շուտով քայլեր կձեռնարկվեն ի պատասխան Իրանի հարձակմանը: