Ծանրորդ Նարեկ Մկրտչյանը՝ Եվրոպայի Մ20 չեմպիոն

852

Չորեքշաբթի, 30 հոկտեմբերի, 2024 թ., 21:48

Հայաստանի ծանրամարտի պատանեկան հավաքականի անդամ, 81 կգ քաշային Նարեկ Մկրտչյանը երկամարտի 341 կգ արդյունքով (150+191 կգ) ոսկե մեդալ է նվաճել Լեհաստանում ընթացող՝ Մ20 տարեկանների Եվրոպայի առաջնությունում:

Պոկում վարժությունում Մկրտչյանը 3 հաջող մոտեցմամբ ցույց է տվել 150 կգ արդյունք և նվաճել վարժության փոքր բրոնզե մեդալը: Հրում վարժությունում հայ ծանրորդը դարձյալ հաջող է կատարել բոլոր մոտեցումներն ու 191 կգ արդյունքով արժանացել փոքր ոսկե մեդալին: